Safar main mushkalen aayen to Jurrat aur badhati hai,
Koi jab raasta rokay to himmat aur badhti hai !
Meri kamzoriyon par jab koi tankeed karta hai,
Wo dushman kyu na ho usse mohabbat aur badhti hai !
Zaroorat me azizon ke agar kuchh kaam aajao,
Rakam bhi doob jati hai adawat aur badhati hai !
Tera masoom sa chehra chhupa loon aankh me kaatil,
Nazar mujhko na tu aaye, to dhadkan aur badhti hai !
Agar bikane pe a jao to ghat jate hain daam aksar,
Na bikane ka irada ho to keemat aur badhti hai !
Hum pr tumhari chaah ka ilzaam hi to hai,
Dushnaam to nahin hai yeh ikraam hi to hai,
Karte hain jis pe taan koi jurm to nahin,
Shauq-e-fazool o ulfat-e-nakaam hi to hai,
Dil muddayi ke harf-e-malamat se shaad hai,
Ae jan-e-jan yeh harf tera naam hi to hai,
Dil naaUmeed to nahin nakaam hi to hai,
Lambi hai gham ki shaam magar shaam hi to hai,
Dast-e-falak main gardish-e-taqdeer to nahin,
Dast-e-falak main gardish-e-ayaam hi to hai,
Akhir to ek roz karegi nazar wafa,
Woh yar-e-khush-khisal sar-e-baam hi to hai,
Bheegi hai raat faiz ghazal ibtidaa karo,
Waqt-e-sarod dard ka hangaam hi to hai..
