Aankhon Se Pilaaya

Kal Jo Jaam Aankhon Se Pilaaya Kisi Ne
Mad-Hosh Para Raha Na Uthaaya Kisi Ne

Mujhe Bhi Kuch Ziada Shoq Tha Peeny Ka
Peeny K Bad Jo Hua Na Bataaya Kisi Ne

Kabi Masjid, Kabi Mandir Main Ghumta Raha Rat Bhar
Kabhi Musalmaan, Kabhi Hindu Banaaya Kisi Ne

Aadi Bana K May-Kadah Chheen Lia Gaya Mujh Se
Kuch Is Tarha Mujhe Staaya Kisi Ne

Qasm Uski Jawab Main Saghar Chhoo Ho To
Usi Ka Naam Le Kar May-Kady Main Bulaya Kisi Ne...

Jibreel “hiraa” mein aaye

Soz itna to navaah mein aaye
uska paighaam hawaa mein aaye

Misl-e gul ab ke ho wehshat apni
zakhm ka rang qabaa mein aaye

Dil mein yun chupke se utra koi
jaise Jibreel “hiraa” mein aaye

Yun achaanak tujhe paaya maine
jaise taaseer Dua mein aaye

Chaand ne jhuk ke sitaaron se kaha
kitne insaan khalaa mein aaye

Haadsa zabt ka dushman hai agar
Hausla ahl-e wafaa mein aaye

Ab toh labb khol dahan-bastaa mere
zalzalaa arz-o samaa mein aaye

Rog kya jee ko laga hai ‘Mohsin
zehar ka naam dawaa mein aaye

Mai Bewafaa Nahi

Mujrim Tera Par Main Bewafaa Nahi
Tu Chahat Hai Meri Tujhe Pata Nahi

Mana K Jurm Mene Kiya Tha Magar
Dee Tu Ne Darust Sazaa Nahi

Kitne Deep Jalaaye Tere Pyar Me
Par Banta Tu Mera Humnawa Nahi

Raah-E-Muhabbat Waqai Kathin Hai Par
Aankh Jhapakty Koi Deta Bhula Nahi

Mujhe Aaj Bhi Uski Tamanna Hai,
Par Afsos K Wo Mujhe Mila Nahi.

Zindagi Ki Kitaab Hai

Ye Jo Zindagi Ki Kitaab Hai, 

Ye Kitaab Bhi Kya Kitaab Hai,

Kahin Ek Haseen Khawaab Hai, 

Kahin Jaan-Leva Azaab Hai,

Kabhi Kho Lia, Kabhi Paa Lia,

Kabhi Ro Lia, Kabhi Gaa Lia,

Kahin Rehmaton Ki Hain Barishen,

Kahin Tishnagi Be-Hisaab Hai,

Kehi Chhaon Hai, Kehi Dhoop Hai,

Kahin Aur Hee Koi Roop Hai,

Kahin Cheen Leti Hai Har Khushi,

Kahin Meherbaan Be-Hisaab Hai,

Ye Jo Zindagi Ki Kitaaab Hai

Ye Kitaab Bhi Kya Kitaab Hai

#arajabhatti

Pyar Nibhona Aukha

Raah de wich khalona Aukha.
Apna aap lakona Aukha.

Eni wadh gai dunya-dari,
Kallyan beh k rona Aukha.

Dagh mohabbt wala BAAHU,
Lag javay te dhona Aukha.

Kallyan ishq kamauna aukha,
Kisay nu yaar banana Aukha.

Pyaar pyaar te hr koi bole,
Kar k pyaar nibhona Aukha..

Dukhaan te hr koi has lenda,
Kisay da dard wandona Aukha..

Gallan nal nai rutbay milde,
Jogi bhais watona Aukha..

Koi kisy di gal nai sun'da,
Lokaan nu samjona Aukha.!!

tera phone ni aaya...

Aj Te Yar Skoon Ni Aya..
MENU TERA FON NI AYA..

Eni V Ki Beprwaii?
Teri Koi Miscal v Ni i..
Tu Dil Apna Kithe Laya?
Menu Tera Fon ni aya..

J Ni Balnce Te ethon Kallhan!.
Fer Kran Ge Rajj Rajj Gallan
Kede Lyee A Maal Kmaya?
Menu Tera Fon ni aya..

J Dil Kidhre La Betha en..
Meri Yad Bhula Betha en..
Mere Gal Wich Pa De Phaya..
Menu Tera Fon ni aya..

Aj Dihari Okhi Langi..
Na E Surma Te Na E Kangi..
Zulfan Nu V Tail Ni Laya..
MENU TERA FONE NI AYA..

Ranjish hi sehi

Aa phir se mujhe chhod ke jane ke liye aa
Ranjish hi sehi Dil hi dukhane ke liye aa.

Kuch toh mere pindare mohobbat ka Bharam Rakh .
Tu bhi to kahin mujhko manane ke liye aa

Jaise tumhe aate hain na aane ke bahane.
Aese hi kisi roz na jaane ke liye aaa

Raqeeb Dekhta Hoon

Raat Bhar Khawab Bohat Ajeeb Dekhta Hoon
Mera Naseeb Ke Tujh Ko Qareeb Dekhta Hoon

Mujh Ko Chhod Beech Bhanwar Pardes Jane Wale
Bin Tere Khud Ko Be-had Ghareeb Dekhta Hoon

Badhaye Hain Tu Ne Logon Se Jo Mail-O-Marasam
Har Doosre Shakhs Ko Apna Raqeeb Dekhta Hoon

Taskheer Kar Rakha Hai Jo Chaah Ne Mujh Ko
Paagal Ho Gaya Hun Khud Ko Shareef Dekhta Hoon

Badla Hai Jo Youn Sanam Ne Andaaz-E-Bayan
Soya Hua Main Apna Naseeb Dekhta Hoon

Jab Se Khola Hai Raaz Apni Ulfat Ka Paaris
Zamany Ko Kha'mkha Apna Hareef Dekhta Hoon

To Bura Lagta Hai

Ek Tamanna Hai Faqat Mujh Pe Meherban Raho
Tum Kisi Aur Ko Dekho To Bura Lagta Hai

Meri Chahat Ka Taqaza Hai Mere Sath Raho
Ghair Ka Hath Jo Thamo To Bura Lagta Hai

Arzoo Hai Tere Har Roop Ko Har Pal Dekhun
Tum Mere Pas Se Utho To Bura Lagta Hai

Roz-O-Shab Aj Bhi Parwah Hai Tumhari Mujh Ko
Tum Kisi Aur Ko Socho To Bura Lagta Hai

Rooh Meri Tarasti Hai Tumhari Khushbu Ko
Tum Kahin Aur Ja K Mehko To Bura Lagta Hai...

Kamaal Karte Ho

Har Roz Bhula Dete Ho Kamaal Karte Ho
Hanste Ko Rula Dete Ho Kamaal Karte Ho

Nahi Hai Mohabbat To Saaf Saaf Keh Do
Kyun Umeed Badhaa Dete Ho Kamaal Karte Ho

Hum Tumhe Bhoolne Lagte Hain Jab Bhi
Aa K Pyaar Jataaa Dete Ho Kamal Karte Ho

Jante Bhi Ho K Ek Hi Diya Hai Mere Ghar Me
Phir Bhi Hawaa De Dete Ho Kamaal Karte Ho

Bhoolne Ka Jo Mujhe Har Roz Kehte Ho
Youn Yaad Dilaa Dete Ho Kamaal Karte Ho

Khud Hi Kehte Ho K Nashaa Haraam Hai
Aur Jaam Bhi Thamaa Dete Ho Kamaal Karte Ho

#arajabhatti

Ho Bhi Sakta Hai

Yaqeen Aata Nahi Dil Ko K Aisa Ho Bhi Sakta Hai
Mera Hal-e-Gham Sunn Kar Wo Zalim Ro Bhi Sakta Hai

Kabhi Insaan Akela Ho K Bhi Tanhaa Nahi Hota
Sar-e-Mehfil Kabhi Baithe Bithaye Kho Bhi Sakta Hai

Ta'ajjub Kyun Hai Tum Ko Meri is Be-Gunahi Par
Karam Ka Aik Qatra Dagh-e-Daman Dho Bhi Sakta Hai

Kabhi Insan Ko Neend Aati Nahi Phoolon K Bistar Par
Kabhi Pathar Pe Sar Rakh Kar Mazay Se So Bhi Sakta Hai

Wo Kehta Hai Tumhari Khaatir Sitaare Tod Laounga
Ba-Zaahir Yoon Nahi Hota Magar Yoon Ho Bhi Sakta Hai...

#arajabhatti

yaar ki soorat

Ehbab ki soorat ho ke aghyaar ki soorat,
Har chehre main aati hai nazar yaar ki soorat,

Jis ankh ne dekha tujhe, us ankh ko dekhoon,
Hai iss ke siwa kya tere deedar ki soorat,

Pehchan liya tujh ko teri sheesha-gari se,
Aati hai nazar fann se hi funkaar ki soorat,

Surat meri ankhon main samaye gi na koi,
Nazron main bassi rehti hai sarkaar ki soorat,

Dil hath pe rakha hai koi hai jo khareede,
Dekhoon to zara main bhi kharidaar ki soorat,

Ashqon ne bayan kar hi diya raz-e-tamanna,
Hum soch rahe thay abhi izhar ki soorat,

Wasif ki sar-e-dar pukara hai kisi ne,
Inkaar ki surat hai na izhaar ki soorat..

Jalaa Di Us Ne

Me Jo Mehka To Meri Shaakh Jalaa Di Us Ne
Sabz Mausam Main Mujhe Zard Hawa Di Us Ne

Pehle Ek Lamhe Ki Zanjeer Main Baandha Mujhko
Aur Phir Waqt Ki Raftaar Badhaa Di Us Ne

Janta Tha K Mujhe Maut Sakoon Bakhshe Gi
Wo Sitam'gar Tha So Jeeny Ki Dua Di Us Ne

Us K Hone Se Thin Saanse Meri Dugni Shayad
Wo Jo Bichda To Meri Umar Ghataa Di Us Ne.

Wafaon Ka Silaa...

Dost Kia Khoob Wafaon Ka Silaa Dete Hain 
Har Naye Mod Par Aik Zakham Naya Dete Hain

Tum Se To Khair Ghadi Bhar Ki Mulaqat Rahi 
Log Sadiyoun Ki Rafaqat Ko Bhula Dete Hain

Kese Mumkin Hai Ke Dua Bhi Na Ho Aur Dil Bhi Jalay 
Chot Padti Hai To Pathar Bhi Sadaa Dete Hain

Kon Hota Hai Musibat Main Kisi Ka Aye Dost 
Aag Lagti Hai To Patte Bhi Hawaa Dete Hain

Jin Pe Hota Hai Bohat Dil Ko Bhroosa ‘Taabish’ 
Waqt Padne Pe Wohi Loog Dagha Dete Hain

#arajabhatti

Taqraar Tak Nahi Pohncha...

Sauda Hamara Kabhi Bazaar Tak Nahi Pohncha
Ishq Tha Jo Kabhi Izhaar Tak Nahi Pohncha

Youn To Guftagoon Bohut Huwe Unse Phir Bhi
Silsilaa  Kabhi  Yeh  Pyaar  Tak  Nahi  Pohncha

Jaane Kaise Ho Gaya Waakif Tamaam Shehar
Dastan-e-Ishq Yun To Kabhi Akhbar Tak Nahi Pohncha

Shartain Aik Dousare Ki Manzoor Thi Youn To
Par Masauda Hamara Kabhi Qaraar Tak Nahi Pohncha

Gehri Dosti Main isse Naapta Bhi Kaise
Rishta Hamara Kabhi Taqraar Tak Nahi Pohncha

Ana'a Meri Mujhe Ijaazat Nahi Deti
Faqat Isliye Zaidi Darbar Tak Nahi Pohncha

Aansuoun se likha hua

Koi phool dhoop ki pattiyun mein Haray ribbon se baandha hua,
Woh ghazal ka lehja naya-naya Na kaha huaa, na suna huaa,

Jise le gayi abhi hawa Woh warak tha dil ki kitaab ka,
Kahin aansuon se mita hua Kahin aansuon se lika hua,

Kyee meel rait ko kaat kar Koyi mauj phool khila gayi
Koyi ped pyas se mar raha kisi Nadi ke paas khada hua

Mujhe saheliyun ne saja-saja ke Bahut haseen bana diya
Mera dil jo dulhan ka hath ho Mehandiyon se racha hua

Wohi shehar hain wohi raaste Wohi ghar hai aur wohi lawn hai
Magar is dareeche se poochhna Woh darakht anaar ka kya hua

Wohi khat ke jispe jagah jagah Do mehakte hothon ke chaand the
Kisi bhooli bisri see taak par Teh-e-gard hoga dabaa hua.

Shayer e Nazuk Khayal hai

Didar ki hawas hai na shauk-e-visal hai
Aazad har khayal se mast-e-khayal hai

Keh do ye kohkan se hi marna nahin kamal
Mar mar ke hijra-e-yaar main jina kamal hai

Fatwa diya hai mufti abra-e-bahar ne
Tauba ka khoon bada-kashon ko halal hai

Aakhein bata rahin hain jaage ho raat ko
Inn saagron mein boo-e-sharab-e-wisal hai

Barsao teer mujhpe par itna jaan lo
Pehlu me dil hai, dil me tumhara khayal hai

Aakhein lada ke unse hum aafat mein pad gaye
Aakhon ki har zuban pe dil ka sawal hai

Bohat keh diya jo maine to ab bolte nahi
Itni si baat ka tumhein itna khayal hai

Poochha jo unse jante ho tum Jalil ko
Bole ke haan woh shayar-e-nazuk-khayal hai.

Aansoon banaa lijiye

Lazzat-e-gum badha dijiye
Thoda sa muskuraa dijiye

Ek samundar ne aawaz di
Thoda paani pilaa dijiye

Be-ghar hoon, hai ghar ki talash
Apne Dil me basaaa lijiye

Choomna chahata hoon tumhe,
Apne Aansoon banaa lijiye

#arajabhatti

tujhe royen dusre

Paida woh baat kar ketujhe royen dusre,
Rona khud apne haal pe yeh zaar zaar kya..

tum se to kam gila hai

tum aur fareb khao bayan-e-raqib se
tum se to kam gila hai ziyada nasib se

goya tumhari yad hi mera ilaj hai
hota hai pahron zikr tumhara tabib se

barbad-e-dil ka akhri saramaya thi umid
vo bhi to tum ne chhin liya mujh garib se

dhundla chali nigah dam-e-wapasi hai ab
aa paas aa ke dekh loon tujh ko qareeb se

kisi din...

Chehre pe mere zulf ko phelao kisi din,
Kya roz garajte ho baras jao kisi din,

Razon ki tarah utro mere dil main kisi shab,
Dastak pe mere hath ki khul jao kisi din,

PeRRon ki tarah husn ki barish main naha loon,
Baadal ki tarah jhoom ke ghar aao kisi din,

Khushbuu ki tarah guzro mere dil ki gali se,
Phoolon ki tarah mujh pe bikhar jao kisi din,

Guzren jo mere ghar se to urr jaaye sitare,
Is tarah meri raat ko chamkao kisi din,

Main apni har ik saans usi raat ko de doon,
Sar rakh ke mere seene pe so jao kisi din..