Dost Kia Khoob Wafaon Ka Silaa Dete Hain
Har Naye Mod Par Aik Zakham Naya Dete Hain
Tum Se To Khair Ghadi Bhar Ki Mulaqat Rahi
Log Sadiyoun Ki Rafaqat Ko Bhula Dete Hain
Kese Mumkin Hai Ke Dua Bhi Na Ho Aur Dil Bhi Jalay
Chot Padti Hai To Pathar Bhi Sadaa Dete Hain
Kon Hota Hai Musibat Main Kisi Ka Aye Dost
Aag Lagti Hai To Patte Bhi Hawaa Dete Hain
Jin Pe Hota Hai Bohat Dil Ko Bhroosa ‘Taabish’
Waqt Padne Pe Wohi Loog Dagha Dete Hain
#arajabhatti
No comments:
Post a Comment