Ashiq thay sheher main

Ashiq thay sheher main jo puraane sharaab ke,
Hain un ke dil main vaswasay ab ehtisaab ke,

Woh jo tumhare hath se aa kar nikal geya,
Hum bhi qaatil hain ussi khana-kharab ke,

Phoolon ki saij par zara araam kya kiya,
Us gul–badan pe naqssh uth aaye gulaab ke,

Soye to dil main ek jahan jaagne laga,
Jaage to apni aankh main jaale they khawb ke,

Bas tishnagi ki aankh se dekha karo unhe,
Dariya ravaan-davaan hain chamakte saraab ke,

Kis tarah jamaa kijiye ab apne aap ko,
Kaghaz bikhar rahe hain puraani kitaab ke..

wohi zahr hai

Wohi taaj hai wohi takht hai wohi zahr hai wohi jaam hai
Ye wohi khuda ki zameen hai ye wohi buton ka nizaam hai

Bade shauq se mira ghar jala koi aanch tujh pe na aayegi
Ye zaban kisi ne khareed Ii, ye qalam kisi ka ghulam hai

Yahan eik bachche key khoon sejo likha hua hai use paden
Tira keertan abhi paap hai abhi mera sajda haraam hai

Main ye manta hun mire diye tiri aandhiyon ne bujha diye
Magar eik jugnu hawaon mein abhi roshni ka imaam hai

Mere fikro fan teri anjuman na urooj tha na zawaal hai
Mere lab pe tera hi naam tha mere lab pe tera hi naam hai

Seena dehak raha

Seena dehak raha ho to kya chup rahe koi,
Kyun cheekh cheekh kar na gala chheel le koi,

Saabit hua sukoon dil-o-jaan kahin nahin,
Rishton main dhoondta hai to dhoonda kare koi,

Tarkk-e-taluqaat koi masla nahin,
Yeh to woh raasta hai ke bas chal parre koi,

Deewar janta tha jise woh dhool thi,
Ab mujh ko aitmaad ki daawat na de koi,

Main khud yeh chahta hoon ke halaat hon kharaab,
Mere khilaaf zeher ugalta phire koi,

Ae shakhss ab to mujh ko sabhi kuch qabool hai,
Yeh bhi qabool hai ke tujhe cheen le koi,

Haan theek hai main apni anaaa ka mareez hoon,
Aakhir mere mizaaj main kyun dakhal de koi,

Ik shakss kar raha hai abhi tak wafaa ka zikr,
Kaash is zabaan–daraaz ka muu noch le koi...

Palkon Par Koi Khwaab

Band PalkoN Par Koi Khwaab Sajaa Kar Mile
Woh Jab Bhi Mile Mujh Se Muskura Kar Mile

Kuch Ajeeb Si Chahat Thi Unkee,Na Jane Kyun
Woh Haal-e-Dil Apna Mujh Se Chupa Kar Mile

Main KhwaaboN Ki Duniya Ko Haqeeqat Samaj Baitha
Par Woh Sach Ka Aaena Mujhe Har Baar Dikha Kar Mile

Sabr Se Kaati Khizaan LekiN Bahaar Aayi To Kya
Woh Jab Mile Mujh Se , Kuch Judaa-Judaa Se Mile

Woh Shaam Ka Waqt Jab Suraj Madham Ho Jaata Tha
Woh Pal Yaad Hai,Mujhe Apne Gale Se Laga Kar Mile

Unkee NazroN Mein Main Apni Manzil Dhoond Raha Tha
Par Naa Jaane Kyun Woh Apni NazroN Ko Jhuka Kar Mile

Waqt Ka Yeh Parinda Ab Udaan Bar Chuka Hai "Khwahish"
"Hum Bichad Jaayenge" Yeh Baat Woh Yaad Dila-Dila Kar Mile

qazaa le gayi mujhe

Bazzm-e-takallufaat sajaane main reh geya,
Main zindagi ke naaz uthaane main reh geya,

Taaseer ke liye jahan tehreef ki gayi,
Ik jholl bas wahin pe fasaane main reh geya,

Sab mujh pe mohr -e-jurm lagaate chale gaye,
Main sab ko apne zakham dikhaane main reh geya,

Khud haadsa bhi maut pe us ki tha dam-ba-khud,
Woh dusron ki jaan bachaane mein reh geya,

Ab ehl-e-kaarvaaan pe lagaata hai tohmaten,
Woh hamsafar jo heelay bahaane main reh geya,

Woh waqt ka jahaz tha karta lihaaz kya,
Main doston se haath milaane main reh geya,

Sunta nahin hai muft jahan baat bhi koi,
Main khaali haath aese zamaane main reh geya,

Bazar-e-zindagi se qazaa le gayi mujhe,
Yeh daur mere daam lagaane main reh geya,

Yeh bhi hai ek kaar-e-numayan ‘hafiz’ ka,
Kya saadaa-loh kaise zamaane main reh geya.

mitaa kyun nahin dete

Jab pyaar nahin hai to bhulaa kyun nahin dete,
Khat kis liye rakhhe hai jalaa kyun nahin dete,

Kis vaaste likha hai hatheli pe mera naam,
Main harf-e-ghalat hoon to mitaa kyun nahin dete,

Lillaah, shab-o-roz ki uljhan se nikaalo,
Tum mere nahin ho to bataa kyun nahin dete,

Reh reh ke na tarrpao ae be-dard maseeha,
Hathon se mujhe zehr pilaa kyun nahin dete,

Jab us ki wafaaon pe yaqeen tum ko nahin hai,
Hasrat ko nigaahon se giraa kyun nahin dete..

Aur Muskurate Rahe

Jab tak hum tum par zulm dhate rahe?
Tum ne kabhi shikva na kiya aur muskurate rahe?

Jab hume apni galatiyon ka ehsaas hua?
Aur hum ne socha ki ab hum badal jayenge?

Tum ne hume ek mauka na diya sudhar ne ka?
Isse pehle hum kuch kehte?

Wohh chale gaye is duniya se muskuraate hue?
Ab bas tumhari yaadein aur kuch ashq reh gaye hain aankhon mein?

Aur hum taraste rehte hain tumhe phir se pane ke liye??
Khwaish hai aur dua karta hoon ki hum phir mile kisi zindagi mein aap se?

Is baar zulm aap ke ho ?

aur hum taras te rahe?.muskuraate hue?

Tabhi shayad meri rooh ko kuch sukoon mil payegaa?

Warna kai baar marr kar bhi mein apne aap ko maaf nahi kar paonga?

Ro parra woh aap

Waqt khush khush kaatne ka mashwara dete huye,
Ro parra woh aap mujh ko hauslaa dete huye,

Us se kab dekhi gayi thi mere rukh ki murdani,
Phair leta tha woh muuh mujh ko davaa dete huye,

Be-zabaani bakhsh di khud-ehtisaabi ne mujhe,
Hont sil jaate hian duniya ko gilaa dete huye,

Apni raah masduud kar de ga yehi barrhta hujoom,
Yeh na sochaa har kisi ko raasta dete huye,

Aap apne qatal main shamil tha main maqtuul-e-shauqq,
Yeh khulaa mujh par talab ka khuun-bahaa dete huye,

Woh humen jab tak nazar aata raha takte rahe,
Geeli aankhon ukhrre lafzon se duaa dete huye,

Jaane kis dehshat ka saaya us ko mohr-e-lab hua,
Dar raha hai woh mujhe khul kar sadaa dete huye,

Be-aman tha aap lekin mojzaa hai yeh ‘ryaz’,
Haala-e-shafqat tha us ko aasra dete huye..

teri yaadon ke silsla

Jab bhi teri yaadon ke silsla sa chalta hai,
Ik charaagh bujhta hai ik charaagh jalta hai,

Shart gham-gusaari hai warna yuun to saaya bhi,
Door door rehta hai, sath sath chalta hai,

Sochta hoon akhir kyun roshni nahin hoti,
Daagh bhi ubharte hain, chand bhi nikalta hai,

Kese kese hungaame uth ke reh gaye dil main,
Kuch pata magar un ka aansuyon se chalta hai,,

Rraaz badal dalo..

Taskeen na ho jis se wo raaz badal dalo
Jo raaz na rakh paye hamraaz badal dalo

Tum ne b suni ho gi bari aam kahawat hy
Anjam ka jo ho khatra aghaaz badal dalo

Pur-soz dilon ko jo muskan na de paye
Sur hi na mile jis mai wo saaz badal dalo

Dushman k iradon ko hy zahir agar karna
Tum khel wohi khelo andaaz badal dalo

Ay dost karo himmat kuch door sawera hy
Gar chahte ho manzil to parwaaz badal dalo….

Laila ki tarah tu bhi hai

Jinhen main dhoondta tha asmanon mein zameenon main,
Woh nikle mere zulmat khana-e-dil ke makeenon main,

Kabhi apna bhi nazaara kiya hai tu ne ae majnoon,
Ke laila ki tarah tu bhi hai mehmil-nasheenon main,

Mahine vasl ke gharriyon ki surat urrte jaate hain,
Magar gharriyan judaayi ki guzarti hain maheenon main,

Mujhe roke ga tu ae na-khuda kya gharaq hone se,
Ke jin ko doobna ho, doob jate hain safeenon main,

Jalaa sakti hai shama-e-kushta ko mauj-e-naffas in ki,
Elahi! Kya chupaa hota hai ehl-e-dil ke seenon main,

Na puch in kharqa poshon ki, iradat ho to dekh in ko,
Yadd-e-baiza liye baithe hain apni aasteenon main,

Kisi aese sharar se phoonk apne kharman-e-dil ko,
Ke khurshid-e-qayamat bhi ho tere khoshaa-cheenon main,

Mohabbat ke liye dil dhoond koi tootne wala,
Ye woh mai hai jise rakhte hain nazuk aabgeenon main,

Saraapa husn ban jata hai jis ke husn ka ashiq,
Bhala ae dil haseen aesa bhi hai koi haseenon main,

Numayan ho ke dikhla de kabhi in ko jamaal apna,
Bohat muddat se charche hain tere baareek beenon main,

Khamosh ae dil! Bhari mehfil mein chillaana nahin acha,
Adab pehla qareena hai mohabbat ke qareenon main,

Bura samajhun inhe, mujh se to aesa ho nahin sakta,
Ke main khud bhi to hun iqbal apne nukta-cheenon main..

mere pass nishani us ki

Us ka chehra bhi sunata hai kahani us ki,
Chahti hoon ke sunoon us se zubaani us ki,

Woh sitam‘gar hai to ab us se shikayat kesi,
Aur sitam karna bhi aadat purani us ki,

Besh-qeemat hai yeh moti se meri palkon per,
Chand aansu hain mere pass nishani us ki,

Us jafaa-kaar ko maloom nahin woh kya hai,
Be-murawat ko hai tasveer dikhani us ki,

Aik woh hai nazar andaaz kare hai mujh ko,
Aik mein hoon ke dil-o-jaan se deewani us ki,

Tum ko ulfat hai Qamar us se to ab keh dena,
Samne sab ke sunaa dena kahani us ki..

Dil main kisi ke raah

Dil main kisi ke raah kiye ja raha hoon main,
Kitna haseen gunaah kiye ja raha hoon main,

Duniya-e-dil tabah kiye ja raha hoon main,
Sarf-e-nigaah-o-aah kiye ja raha hoon main,

Fard-e-amal siyah kiye ja raha hoon main,
Rehmat ko be-panaah kiye ja raha hoon main,

Aisi bhi ik nigaah kiye ja raha hoon main,
Zarron ko mehr-o-maah kiye ja raha hon,

Mujhse lage hain ishq ki azmat ko chaar-chaand,
Khud husn ko gawaah kiye ja raha hoon main,

Daftar hai ek maani-e-be-lafzz-o-saut ka,
Saada si jo nigaah kiye ja raha hoon main,

Uthti nahin hai ankh magar us ke rubaru,
Nadeeda ik nigaah kiye ja raha hoon main,

Gulshan-parast hoon mujhe gul hi nahin aziz,
Kaanton se bhi nibaah kiye ja raha hoon main,

Yuun zindagi guzaar raha hoon tere baghair,
Jaise koi gunaah kiye ja raha hoon main,

Mujh se adaa hua hai ‘jigar’ justuju ka haq,
Har zarray ko gawaah kiye ja raha hoon main..

Yeh barson ka taluq

Yeh barson ka taluq torr dena chahte hain hum,
Ab apne aap ko bhi chorr dena chahte hain hum,

Kisi dehleez pr ankhon ke yeh roshan diye rakh kar,
Zameeer-e-subh ko jhinjhorr dena chahte hain hum,

Jidhar hum ja rahe hain us taraf toot’ta hua pull hai,
Yeh baaagen is se pehle morr dena chahte hain hum,

Yeh naubat kal jo aani hai to sharminda nahin hon ge,
Maraasim ehtiyatan torr dena chahte hain hum,

Ajab deewangi hai jis ke hum saaye main bethe hain,
Usi deewar se sar phorr dena chahte hain hum,

Taluq kirchiyon ki shakal main bikhraa to hai phir bhi,
Shikasta aayinon ko jorr dena chahte hain hum..

Kuch ne kaha chehra tera

Kal chodhween ki raat thi, shab bhar raha charcha tera,
Kuch ne kaha yeh chaand hai, Kuch ne kaha chehra tera,

Hum bhi wahin mojood they, hum se bhi sab poocha ke yeh,
Hum hanss diye hum chup rahe, manzoor tha parda tera,

Iss sheher mein kis se milen, hum se to choottin mehfilein,
Har shakss tera naam le, har shakss deewana tera,

Bedard! sunte ho to chal, kehta hai kya achi ghazal,
Aashiq tera, ruswaa tera, shaayer tera, Insha tera.

Mere shehr jal rahe hain

Main yeh kis ke naam likhoon jo alam guzr rahe hain,
Mere shehr jal rahe hain mere log mar rahe hain,

Koi ghuncha ho ke gul ho koi shaakh ho shajar ho,
Woh havaa-e-gulistaaan hai ke sabhi bikhar rahe hain,

Kabhi rehmaten thiin naazil isi khitta-e-zameen pr,
Wohi khitta-e-zameen hai ke azaab utar rahe hain,

Wohi taayeron ke jhurmatt jo havaa main jhoolte thay,
Woh fazaa ko dekhte hain to ab aaah bhar rahe hain,

Barri aarzuu thi hum ko naye khawb dekhne ki,
So ab apni zindagi main naye khawb bhar rahe hain,

Koi aur to nahin hai pas-e-khanjjar-azmaayi,
Hamein qatal ho rahe hain hamin qatal kar rahe hain.

qazaa se darte hain

Jeene wale qazaa se darte hain,
Zehar pee kar davaa se darte hain,

Zahidon ko kisi ka khauf nahin,
Sirf kaali ghataa se darte hain,

Aap jo kuch kahen humen manzoor,
Naik bande khudaa se darte hain,

Dushmanon ke sitam ka khauf nahin,
Doston ki wafaa se darte hain,

Azm o himmat ke bawjud shakeel,
Ishq ki ibtidaa se darte hain..

rehayi mangte rehna

Mohabbat ki aseeri se rehaayi maangte rehna,
Bohat asaan nahin hota, judaayi maangte rehna,

Zara sa ishq kar lena, zara si aankh-bhar lena,
Iwwaz is ke magar saari khudaayi mangte rehna,

Kabhi mehroom hontton par duaa ka harf rakh dena,
Kabhi wehshat main us ki na-rasaayi mangte rehna,

Wafaaon ke tasalssul se mohabbat rooth jati hai,
Kahani main zara si bewafaayi maangte rehna,

Ajab hai wehshat-e-jaan bhi ke aadat ho gayi dil ki,
Sakoot-e-shaam gham se se humnawaayi mangte rehna,

Kabhi bache ke nanhe hath par titlee ke par rakhna,
Kabhi phir us ke rangon se rehaayi maangte rehna..

Yeh barson ka taluq

Yeh barson ka taluq torr dena chahte hain hum,
Ab apne aap ko bhi chorr dena chahte hain hum,

Kisi dehleez pr ankhon ke yeh roshan diye rakh kar,
Zameeer-e-subh ko jhinjhorr dena chahte hain hum,

Jidhar hum ja rahe hain us taraf toot’ta hua pull hai,
Yeh baaagen is se pehle morr dena chahte hain hum,

Yeh naubat kal jo aani hai to sharminda nahin hon ge,
Maraasim ehtiyatan torr dena chahte hain hum,

Ajab deewangi hai jis ke hum saaye main bethe hain,
Usi deewar se sar phorr dena chahte hain hum,

Taluq kirchiyon ki shakal main bikhraa to hai phir bhi,
Shikasta aayinon ko jorr dena chahte hain hum..

adaa seekh gaye hain

Honton pe mohabbat ke fasaane nahin aate,
Sahil pe samandar ke khazaane nahin aate,

Palken bhi chamak uthti hain sone main hamari,
Ankhon ko abhi khawb chupaane nahin aate,

Dil ujrri hui aik saraaye ki tarah hai,
Ab log yahan raat jagaane nahin aate,

Yaaro naye mausam ne yeh ehsaan kiye hain,
Ab yaad mujhe dard puraane nahin aate,

Urrne do parindon ko abhi shokh hawaa main,
Phir lautt ke bachpan ke zamaane nahin aate,

Is sheher ke baadal teri zulfon ki tarah hain,
Yeh aag lagaate hain bujhaane nahin aate,

Ehbaab bhi ghairon ki adaa seekh gaye hain,
Aate hain magar dil ko dukhaane nahin aate..

dukh se nikaal de us ko

Yeh meri umar, mere maah-o-saal de us ko,
Mere khuda mere dukh se nikaal de us ko,

Woh chup kharra hai keyi din se teri khatir to,
Kawaarr khol de azn-e-sawaal de us ko,

Azaab-e-badnazri ka jise shauur na ho,
Yeh meri aankhen, mere hadh-o-haal de us ko,

Yeh dekhna shab-e-hijraan ke kis ki dasstak hai,
Visaal rut hai agar woh, to ttaal de us ko,

Woh jis ka harf-e-duaa roshni hai mere liye,
Main bujh bhi jaaon to maula ujaal de us ko..

Har Sajda Apka

Har Sajda Apka Manzoor-E- Khuda Ho Jaaye
Aapki Duao Mein Rab Ki Raza Ho Jaaye,

Khuda Aap Sabhi Ko Itni Khushiyaan De,
K Aapki Zindgi Se Lafz-E-Gam Fanaa Ho Jaye…

Gham ke saaye

wo alam-kashoN kaa milana wo nishat-o-Gham ke saaye
kabhii ro paRaa tabassum kabhii ashk muskuraaye

ye ufaq se chaaNd ubharaa ye shafaq kaa noor phailaa
ki terii ziyaa-e-rooh se dar-o-baam jagamagaaye

ba_hazaar naamuraadii jise umr bhar saraahaa
use bewafaa kahooN ab ye jigar kahaaN se aaye

ye bahaar kyaa karegii merii dard kaa madaawaa
na wo bijaliyaaN nazar kii na wo gesoo_oN ke saaye

meraa soz-e-waalihaanaa merii sham-e-zindagaanii
kahiiN naamuraadiyoN meN ye chiraaG bujh na jaaye

zaraa Thahar jaao

qareeb maut khadi hai, zaraa Thahar jaao
qazaa se aankh ladi hai, zaraa Thahar jaao

thakii thakii sii fazaayen, bujhe bujhe taare
badi udaas ghadi hai, zaraa Thahar jaao

nahiiN ummeed ki ham aaj kii sahar dekhen
ye raat ham pe kadi hai, zaraa Thahar jaao

abhii na jaao ki taaron kaa dil dhadakataa hai
tamaam raat padi hai, zaraa Thahar jaao

dam-e-firaaq main jii bhar ke tum ko dekh to loon
ye faisale kii ghadi hai, zaraa Thahar jaao

koo-e-habeeb se

dekhaa hai zindagii ko kuchh itanaa qareeb se
chehare tamaam lagane lage haiN ajeeb se

is reNgatii hayaat kaa kab tak uThaayeN baar
beemaar ab ulajhane lage haiN tabeeb se

har gaam par hai majamaa-e-ushshaaq muntazir
maqtal kii raah milati hai koo-e-habeeb se

is tarah zindagii ne diyaa hai hamaaraa saath
jaise ko_iii nibaah rahaa ho raqeeb se

ai rooh-e-asar jaag kahaaN so rahii hai tuu
aawaaz de rahe haiN payambar saleeb se

Ye chaand bahut

Khushboo ki tarah aaya wo tez hawaaon mein
Manga tha jise hamne din raat duaon mein

Tu chhat pe nahin aaye main ghar se nahi nikla
Ye chaand bahut bhatka saawan ki ghataaon mein

Is shahr mein ik ladki bilkul hai ghazal jaisi
Bijli si ghataon mein khushboo si hawaon mein

Mausam ka ishaara hai khush rahne do bachchon ko
Masoom mohabbat hai phoolon ki khataon mein

Bhagwaan hi bhejenge chawal se bhari thali
Mazloom parindon ki masoom sabhaon mein

Dada bade bhole they sab se yahi kahte they
Kuchh zahr bhi hota hai angrezi dawaaon mein

Ye chaand bahut

Khushboo ki tarah aaya wo tez hawaaon mein
Manga tha jise hamne din raat duaon mein

Tu chhat pe nahin aaye main ghar se nahi nikla
Ye chaand bahut bhatka saawan ki ghataaon mein

Is shahr mein ik ladki bilkul hai ghazal jaisi
Bijli si ghataon mein khushboo si hawaon mein

Mausam ka ishaara hai khush rahne do bachchon ko
Masoom mohabbat hai phoolon ki khataon mein

Bhagwaan hi bhejenge chawal se bhari thali
Mazloom parindon ki masoom sabhaon mein

Dada bade bhole they sab se yahi kahte they
Kuchh zahr bhi hota hai angrezi dawaaon mein

Wohi taaj hai...

Wohi taaj hai wohi takht hai wohi zahr hai wohi jaam hai
Ye wohi khuda ki zameen hai ye wohi buton ka nizaam hai

Bade shauq se mira ghar jala koi aanch tujh pe na aayegi
Ye zaban kisi ne khareed Ii, ye qalam kisi ka ghulam hai

Yahan eik bachche key khoon sejo likha hua hai use paden
Tira keertan abhi paap hai abhi mera sajda haraam hai

Main ye manta hun mire diye tiri aandhiyon ne bujha diye
Magar eik jugnu hawaon mein abhi roshni ka imaam hai

Mire fikro fan tiri anjuman na urooj tha na zawaal hai
Mire lab pe tera hi naam tha mire lab pe tera hi naam hai

chaar qadam hi jana hai

Chott nayi hai lekin zakham purana hai,
Yeh chehra kitna jaana pehchaana hai,

Saari bassti chup ki dhund main doobi hai,
Jis ne lab kholay hain woh deewana hai,

Ik ik kar ke sab panchi damm torr gaye,
Bhari bahaar main bhi gulshan veerana hai,

Apna parrao dasht-e-wafa be-aab-o-giyah,
Tum ko to do chaar qadam hi jana hai,

Kal tak chahat ke aanchal main liptta tha,
Aaj woh lamhaa khawb hai ya afsaana hai..

Ajeeb Silsila Tha

Ajeeb Silsila Tha Jindagi Ki Raato Ka,
Kabhi To Neend Galat Thi,Kabhi Tha Khwab Galat.

Mere Gunaah Se Badhkar Saja Mili Mujhko,
Likha Gaya Tha Yakeenan Mera Hisaab Galat.

wafaa nahin karta

Aayina ab juda nahin karta,
Qaid main hoon rihaa nahin karta,

Mustaqil sabr main hai koh-e-giraan,
Naqsh-e-ibrat sadaa nahin karta,

Rang-e-mehfil badalta rehta hai,
Rang koi wafaa nahin karta,

Aish-e-duniya ki justjuu mat kar,
Yeh dafeena mila nahin karta,

Jee main aaye jo kar guzarta hai,
Tu kisi ka kahaa nahin karta,

Ek waaris hamesha hota hai,
Takht khaali raha nahin karta,

Ehd-e-insaaf aa raha hai munir,
Zulm daaayem raha nahin karta..

pukara hum ne

Zulmat-e-shab ko sitaaron se sanwaara hum ne,
Kitni raton ko tujhe uthe ke pukara hum ne,

Jab kabhi hath se umeed ka daaman choota,
Le liya aap ke daaman ka sahara hum ne,

Yoon to dunya bhi mukhaalif hai hamari warna,
Rukh badaltey huye dekha hai tumhara hum ne,

Hum zamaney se bhi takraa gaye teri khaatir,
Jo na karna tha kiya woh bhi ganwaara hum ne,

Ae Taqi, Gham nahin yeh jaan rahe ya na rahe,
Paa liya un nighaaon ka ishaara hum ne..

dagha na de

Mere hum-nafass mere hum-nawaa, mujhe dost ban ke dagha na de,
Main hoon dard-e-ishq se jaan ba-lab mujhe zindagi ki dua na de,

Main gham-e-jahan se nidhaal hoon ke saraapa huzn-o-malaal hoon,
Jo likhe hain mere naseeb main, woh alam kisi ko khuda na de,

Na yeh zindagi meri zindagi, na yeh dastaan meri daastan,
Main khayal o veham se door hoon, Mujhe aj koi sadaa na de,

Mere ghar se door hain raahaten, mujhe dhoondti hain museebten,
Mujhe khauf yeh ke mera pata koi gardashon ko bataa na de,

Mujhe chorr de mere haal pr, tera kya bharosa ae chaaragar,
Yeh teri nawaazish-e-mukhtasar, mera dard aur barrhaa na de,

Mera azam itna buland hai ke paraaye sholon ka ddar nahin,
Mujhe khauf aatish-e-gul se hai kahin yeh chaman ko jalaa na de,

Dar-e-yaar pe barri dhoom hai, wohi aashiqon ka hujoom hai,
Abhi neend aani hai husn ko, koi shor kar ke jagaa na de,

Mere daagh-e-dil se hai roshni, yehi roshni meri zindagi,
Mujhe dar hai ae mere chaaragar, yeh chiraagh tu hi bhujaa na de,

Woh uthe hain le ke khum-o-subuu, aray ae shakeel kahan hai tu,
Tera jaam lene ko bazm main, koi aur hath barrha na de..

dharkan ki tarah

Ankh barsi hai tere naam pe sawan ki tarah,
Jism sulga hai teri yaad main endhan ki tarah,

Loriyan di hain kisi qurb ki khwahish ne mujhe,
Kuch jawani ke bhi din guzre hain bachpan ki tarah,

Is bulandi se mujhe tu ne navaza kyun tha,
Gir ke main toot geya kaanch ke bartan ki tarah,

Mujh se milte huye yeh baat to sochi hoti,
Main tere dil main samaa jaaon ga dharkan ki tarah,

Muntazir hai kisi makhsoos si aahat ke liye,
Zindagi bethi hai dehleez pr birhan ki tarah..

zeyada barri hoon

Jahan se chali thi waheen pe kharri hoon,
Mein teri mohabbat ki aesi gharri hoon,

Tere hath mein thi mohabbat ki gurriya,
Jahan pe rakha tha waheen pe parri hoon,

Tujhe bhool janey ka socha tha lekin,
Barri dair tak aaj khud se larri hoon,

Tere sang barish mein chhatri ke neechey,
Mujhe yoon laga jese mein bhi jharri hoon,

Teri zaat se mein bhi mansoob ho kar,
Atoot ang hoon zindagi ki karri hoon,

Mera bachpna-pan hai mohabbat mein shamil,
Mohabbat mein qadd se zeyada barri hoon..

Mujhe woh pyar karta tha

Meri aankhon pe marta tha,
Meri baaton pe hansta tha,
Na jaane shakhs tha kaisa,
Mujhe khone se darta tha,

Mujhe jab bhi woh milta tha,
Yehi har baar kehta tha,

Suno!

Agar main bhool jaon to,
Agar main rooth jaon to,
Kabhi waapis na aaon to,
Bhulaa pao ge yeh sab kuchh,
Yunhi hastey raho gaye kya,
Yunhi sajtey raho gaye kya,

Yehi batain hain bas uski,
Yehi yadein hain bas uski,
Mujhe bas hai pataa itna,
Mujhe woh pyar karta tha,
Mujhe woh pyar karta tha..

I REALLY LOVE YOU

Phir Neend Bhala Kab Aati Hai

Phir Neend Bhala Kab Aati Hai?
Jab Neend Se Ankhain Bojhal Hon,

Aur Apne Aankh Se Ojhal Hon,
Phir Neend Bhala Kab Aati Hai?

Jab Dil Mein Basne Waale Bhi,
Aur Saath Mein Hasnay Walay Bhi,

Jab Door Khahin Wo Bastay Hon,
Kisi Aur Ke Sath Wo Hanstay Hon,

Phir Neend Bhala Kab Aati Hai?
Jab Ghum Ki Raat Andhairi Ho,

Aur Us Mein Yaad Bhi TERI Ho,
Na Dil Mein Koi Ujala Ho,

Phir Neend Bhala Kab Aati Hai?
Phir Neend bhala kab ati hai….

baso meri aankhon

kuchh din to baso meri aankhon main
phir Khwaab agar ho jaao to kyaa

koi rang to do mere chehare ko
phir zakham agar mahakaao to kyaa

ik aainaa tha so Toot gayaa
ab Khud se agar sharmaao to kyaa

main tanhaa tha main tanhaa hoon
tum aao to kyaa na aao to kyaa

jab ham hii na mahake phir saahib
tum baad-e-sabaa kahalaao to kyaa

jab dekhane waalaa koi nahin
bujh jaao to kyaa jal jaao to kyaa

ik sazaa aur

ik sazaa aur aseeroN ko sunaa dii jaaye
yaanii ab jurm-e-aseerii kii sazaa dii jaaye

us kii Khwaahish hai ke ab na royeN na haNsen
behisii waqt kii aawaaz banaa dii jaaye

dasht-e-naa_deedaa kii tahaqeeq zaroorii hai magar
pahale jo aag lagii hai wo bujhaa dii jaaye

sirf jalanaa hii nahiiN ham ko bhaRakanaa bhii to hai
ishq kii aag ko laazim hai hawaa dii jaaye

sirf sooraj kaa nikalanaa hai subah to phir
ek shab aur mere shab se milaa dii jaaye

aur ik taazaa sitam us ne kiyaa hai iijaad
us ko is baar zaraa khul ke duaa dii jaaye

Khawab Sajaye Bethi

Ik Aas Lagaye Bethi Hoon Ik Khawab Sajaye Bethi Hoon
Logon Se Chupa Kar Seene Main Ik Dard Dabaye Bethi Hoon

Kesa Ye Khauf Hai Jevan Main Anjana Sa Unchaha Sa
Janne Ki Khuwahish Main Darbar Lagaye Bethi Hoon

Jo Hona Hai Wo Hoga Hi Jo Darj Hai Taqdeeron Main
Phir Kion Khood Pe Mayoosi Ki Gard Jamaye Bethi Hoon

Bekali Hai Her Dharrkan Main Kion Ansu Hain In Ankhon Main
Kion Bin Barsaati Nadi Ke Sailaab Bahaaye Bethi Hoon

Chup Rahe Koi

Seena Dehak Reha Hai Toh Kya Chup Rahe Koi,
Kyon Cheekh Cheekh Kar Na Gala Chheel Le Koi..

Sabu Hua Sukoon-e Dil-o Jaan Kahin Nahi,
Rishton Mein Dhoondta Hai Toh Dhundha Kare Koi..

Tark-e Talluqaat to Koi Maslaa Nahi,
Ye Toh Woh Raasta Hai Ki Bas Chal Pade Koi..

Deewaar Jaanta Tha Jise Main Woh Dhool Thi,
Ab Mujh Ko Aitamaad Ki Daawat Na De koi..

Main Khud Ye Chahta Hun Ki Halaat Hon Kharab,
Mere Khilaaf Zehar Ugalta Phirey Koi.. 

Aye Shakhs Ab Toh Mujh Ko Sabhi Kuchh Hai Qabool,
Ye Bhi Qabool Hai Ki Tujhe Chheen Le Koi.. 

Haan Theek Hai Main Apni Ana Ka Mareez Hun,
Aakhir Mere Mizaaj Mein Kyon Dakhal De Koi.. 

Ek Shakhs Kar Reha Hai Abhi Tak Wafa Ka Zikar,
Kaash Iss Zubaan-Daraaz Ka Munh Noch Le Koi …

adat usey bhi thi

Zikr-e shab-e firaaq se wehashat usey bhi thi
Meri tarah kisi se muhabbat usey bhi thi

Mujh ko bhi shauq tha naye cheharon ki deed ka
Rastaa badal ke chalane ki aadat usey bhi thi

Uss raat der tak woh raha mahv-e guftagu
Masroof main bhi kam tha faraagat usey bhi thi

Sunta tha woh bhi sab se puraani kahaaniyan
Taaza rafaaqaton ki zarurat usey bhi thi

Mujhse bichhad ke shehr mein ghul-mil gaya wo shakhs
Haalanki shehar bhar se raqabat usey bhi thi

Woh mujh se badh ke zabt ka aadii tha jee gaya
Warna har ek saans qayaamat usey bhi thi …

#maahyraja

bura na lage

Tumhare sheher ka mausam bada suhaana lage,
Main ik shaam chura loon agar bura na lage,

Tumhare bas main agar ho to bhool jao humen,
Tumhen bhulaane main shayed mujhe zamaana lage,

Hamare pyar se jalne lagi hai ik duniya,
Dua karo kisi dushman ki baduaa na lage,

Na jane kya hai us ki be-baak ankhon main,
Woh mu chupaa ke jaye bhi to bewafa na lage,

Jo doobna hai to itne sakoon se doobo,
Ke aas paas ki lehron ko bhi pata na lage,

Ho jis ada se mere sath bewafayi kar,
Ke tere baad mujhe koi bewafa na lage,

Woh phool jo mere daaman se ho geya mansoob,
Khuda kare usay bazaar ki hawa na lage,

Tum aankh muund ke pee jao zindagi QAISER,
K ek ghoont main shayed yeh bd-maza na lage..

dagha na de (Best)

Mere hum-nafass mere hum-nawaa, mujhe dost ban ke dagha na de,
Main hoon dard-e-ishq se jaan ba-lab mujhe zindagi ki dua na de,

Main gham-e-jahan se nidhaal hoon ke saraapa huzn-o-malaal hoon,
Jo likhe hain mere naseeb main, woh alam kisi ko khuda na de,

Na yeh zindagi meri zindagi, na yeh dastaan meri daastan,
Main khayal o veham se door hoon, Mujhe aj koi sadaa na de,

Mere ghar se door hain raahaten, mujhe dhoondti hain museebten,
Mujhe khauf yeh ke mera pata koi gardashon ko bataa na de,

Mujhe chorr de mere haal pr, tera kya bharosa ae chaaragar,
Yeh teri nawaazish-e-mukhtasar, mera dard aur barrhaa na de,

Mera azam itna buland hai ke paraaye sholon ka ddar nahin,
Mujhe khauf aatish-e-gul se hai kahin yeh chaman ko jalaa na de,

Dar-e-yaar pe barri dhoom hai, wohi aashiqon ka hujoom hai,
Abhi neend aani hai husn ko, koi shor kar ke jagaa na de,

Mere daagh-e-dil se hai roshni, yehi roshni meri zindagi,
Mujhe dar hai ae mere chaaragar, yeh chiraagh tu hi bhujaa na de,

Woh uthe hain le ke khum-o-subuu, aray ae shakeel kahan hai tu,
Tera jaam lene ko bazm main, koi aur hath barrha na de..

Tadpaya Na Hota

Pa Hi Jaate Kinara Jo Uljhaya Na Hota
Humko Aor Khud Ko Tadpaya Na Hota

Mila Kaya Tuje Yeh Tu Aur Tera Rabb Hi Jaane
Insaan Ki Hasti Ko Najro Se Giraya Na Hota

Karu Kis Per Bharosa Tere Jaane Ke Baad
Kash Mujko Kabhi TujhPe Payaar Aya Na Hota

benam sa ye dard

benaam saa ye dard Thahar kyooN nahiiN jaataa
jo beet gayaa hai wo guzar kyooN nahiiN jaataa

sab kuchh to hai kyaa DhooNDhatii rahatii haiN nigaaheN
kyaa baat hai maiN waqt pe ghar kyooN nahiiN jaataa

wo ek hii cheharaa to nahiiN saare jahaaN meN
jo door hai wo dil se utar kyooN nahiiN jaataa

maiN apanii hii ulajhii huii raahoN kaa tamaashaa
jaate haiN jidhar sab maiN udhar kyooN nahiiN jaataa

wo naam jo barasoN se na cheharaa na badan hai
wo Khwaab agar hai to bikhar kyooN nahiiN jaataa

ik sazaa aur

ik sazaa aur aseeroN ko sunaa dii jaaye
yaanii ab jurm-e-aseerii kii sazaa dii jaaye

us kii Khwaahish hai ke ab na royeN na haNsen
behisii waqt kii aawaaz banaa dii jaaye

dasht-e-naa_deedaa kii tahaqeeq zaroorii hai magar
pahale jo aag lagii hai wo bujhaa dii jaaye

sirf jalana hi nahin hamko bhadkaana bhi to hai
ishq kii aag ko laazim hai hawaa dii jaaye

sirf sooraj kaa nikalanaa hai subah to phir
ek shab aur mere shab se milaa dii jaaye

aur ik taazaa sitam us ne kiyaa hai iijaad
us ko is baar zaraa khul ke duaa dii jaaye

Kisi Patthar Numa Dil

Kisi Patthar Numa Dil Pe Bhi Dastak Ho Hi Jati Hai,
Ki Hasrat Jaag Jane Par Karamaat Ho Hi Jati Hai.

Kisi Anjaan Chehre Se Kisi Pur-Lutf Lamhe Mein,
Jo Karna Na Bhi Chaho Toh Mohabbat Ho Hi Jati Hai.

Kisi Khamosh Chehre Se Musalsal Ashk Behne Par,
Chhupana Bhi Agar Chaho Wazahat Ho Hi Jati Hai.

Kisi Ke Door Jane Par Umeedein Toot Jane Se,
Wafa Mein Rogg Milne Ki Shikayat Ho Hi Jati Hai.

Ye Tum Ne Bhi Suna Hoga Zamana Aise Kehta Hai,
Ki Jab Bhi Ishq Hota Hai Baghawat Ho Hi Jati Hai.

Na khushi rahi

Na khushi rahi na hi ghum raha,
mere jism mein main dafan raha.

Koi mil gaya toh ye shaq hua,
woh mila bhi tha ye bharam raha.

Na woh justju na woh guftgu,
na hi soch mein koi dum raha.

Usey ishq hai meri zaat se,
mujhe umar bhar ye bharam raha.

Mujhe cheekhne ko keha gaya,
mera lehja phir bhi naram raha.

simat aane wala

Dost ban kar bhi nahin saath nibhaane wala,
wahi andaaz hai zaalim ka zamane wala.

Ab usey log samajhte hain giraftaar mera,
sakht naadim hai mujhe daam mein laane wala.

Subah-dam chhod gaya nikhat-e gul ki soorat,
raat ko ghuncha-e dil mein simat aane wala.

Kya kahein kitne maraasim the humare uss se,
woh jo ek shakhs hai munh pher ke jaane wala.

Tere hote hue aa jaati thi sari duniya,
aaj tanha hun toh koi nahin aane wala.

Muntazir kis ka hun tooti hui dehleej pe main,
kaun aayega yahan, kaun hai aane wala.

Kya khabar thi jo meri jaan mein ghulaa hai itna,
hai wahi mujh ko sar-e daar bhi laane wala.

Maine dekha hai bahaaron mein chaman ko jalte,
hai koi khwaab ki tabeer batane wala?

Tum takalluf ko bhi ikhlaas samjhte ho ‘faraz
dost hota nahin har haath milaane wala.

Khushbu jaise log

Khushbu jaise log mile afsaane mein,
ek purana khat khola anjaane mein.

Shaam ke saaye baalishton se naape hain,
chaand ne kitni der laga di aane mein.

Raat guzrte shaayad thoda waqt lage,
dhoop undelo thodi si paimaane mein.

Jaane kis ka zikar hai iss afsaane mein,
dard maze leta hai jo dohraane mein.

Dil par dastak dene kaun aa nikla hai,
kis ki aahat sunta hun veerane mein.

Hum iss mod se uth kar agle mod chale,
un ko shayad umar lagegi aane mein.