Ankh barsi hai tere naam pe sawan ki tarah,
Jism sulga hai teri yaad main endhan ki tarah,
Loriyan di hain kisi qurb ki khwahish ne mujhe,
Kuch jawani ke bhi din guzre hain bachpan ki tarah,
Is bulandi se mujhe tu ne navaza kyun tha,
Gir ke main toot geya kaanch ke bartan ki tarah,
Mujh se milte huye yeh baat to sochi hoti,
Main tere dil main samaa jaaon ga dharkan ki tarah,
Muntazir hai kisi makhsoos si aahat ke liye,
Zindagi bethi hai dehleez pr birhan ki tarah..
No comments:
Post a Comment