Bada Hone se Darta Hai

yahaan har shakhs har pal haadsa hone se darta hai
khilauna hai jo mitti ka fana hone se darta hai

mere dil ke kisi kone mein ik maasoom sa baccha
badon ki dekh kar duniya bada hone se darta hai

na bas mein zindagi us ke na qaabu maut par us ka
magar insaan phir bhi kab khuda hone se darta hai

ajab ye zindagi ki qaid hai duniya ka har insaan
rihaai maangtaa hai aur rihaa hone se darta hai

Pattharon Ki Baarish

Pattharon Ki Baarish Se Kaise Sar Bachaao Ge
Tum Agar Sitamgar Ko Aainaa Dikhaao Ge

Hum Ko Likhne Waale Ne La-Zawaal Likhaa Hai
Hum To Aur Ubhren Ge Jis Qadar Mitaao Ge

Dushmani Ki Mitti Men Pyaar Ug Nahin Sakta
Tum Ne Khaar Boye Hain Phool Kaise Paao Ge

Roz-O-Shab Sataane Ki Tum Ne Thaan Rakkhi Hai
Jitna Tum Bhulaao Ge Aur Yaad Aayen Ge

Sood-Khor Dunia Ka Qarz Kaise Utre Ga
Apne Baad Bete Per Bojh Chhod Jaao Ge

#ManzarBhopali

Suna Hai Log Usse

sunā hai log usse aañkh bhar ke dekhte haiñ
so us ke shahr meñ kuchh din Thahar ke dekhte haiñ

sunā hai rabt hai us ko ḳharāb-hāloñ se
so apne aap ko barbād kar ke dekhte haiñ

sunā hai dard kī gāhak hai chashm-e-nāz us kī
so ham bhī us kī galī se guzar ke dekhte haiñ

sunā hai us ko bhī hai sher o shā.irī se shaġhaf
so ham bhī mo.ajize apne hunar ke dekhte haiñ

sunā hai bole to bātoñ se phuul jhaḌte haiñ
ye baat hai to chalo baat kar ke dekhte haiñ

sunā hai raat use chāñd taktā rahtā hai
sitāre bām-e-falak se utar ke dekhte haiñ

sunā hai din ko use titliyāñ satātī haiñ
sunā hai raat ko jugnū Thahar ke dekhte haiñ

sunā hai hashr haiñ us kī ġhazāl sī āñkheñ
sunā hai us ko hiran dasht bhar ke dekhte haiñ

sunā hai raat se baḌh kar haiñ kākuleñ us kī
sunā hai shaam ko saa.e guzar ke dekhte haiñ

sunā hai us kī siyah-chashmagī qayāmat hai
so us ko surma-farosh aah bhar ke dekhte haiñ

sunā hai us ke laboñ se gulāb jalte haiñ
so ham bahār pe ilzām dhar ke dekhte haiñ

sunā hai aa.ina timsāl hai jabīñ us kī
jo saada dil haiñ use ban-sañvar ke dekhte haiñ

sunā hai jab se hamā.il haiñ us kī gardan meñ
mizāj aur hī laal o guhar ke dekhte haiñ

sunā hai chashm-e-tasavvur se dasht-e-imkāñ meñ
palañg zāviye us kī kamar ke dekhte haiñ

sunā hai us ke badan kī tarāsh aisī hai
ki phuul apnī qabā.eñ katar ke dekhte haiñ

vo sarv-qad hai magar be-gul-e-murād nahīñ
ki us shajar pe shagūfe samar ke dekhte haiñ

bas ik nigāh se luTtā hai qāfila dil kā
so rah-ravān-e-tamannā bhī Dar ke dekhte haiñ

sunā hai us ke shabistāñ se muttasil hai bahisht
makīñ udhar ke bhī jalve idhar ke dekhte haiñ

ruke to gardisheñ us kā tavāf kartī haiñ
chale to us ko zamāne Thahar ke dekhte haiñ

kise nasīb ki be-pairahan use dekhe
kabhī kabhī dar o dīvār ghar ke dekhte haiñ

kahāniyāñ hī sahī sab mubālġhe hī sahī
agar vo ḳhvāb hai tābīr kar ke dekhte haiñ

ab us ke shahr meñ Thahreñ ki kuuch kar jaa.eñ
'farāz' aao sitāre safar ke dekhte haiñ

#Ahmed_Faraz

Har Ibtida se Pehle

Har ibtidaa se pehle har inteha ke baad,
Zaat-e-Nabi buland hai, zaat-e-Khuda ke baad,

Duniya main Ehtraam ke qaabil hain jitne log,
Main sab ko maanta hoon magar mustafa ke baad,

Qatal-e-Hussain assal main marg-e-yazeed hai,
Islam zinda hota hai har karbala ke baad..

Koi Umeed Bar Nahi Aati

Koi ummeed bar nahi aati,
Koi soorat nazar nahi aati.

Maut ka ek din muayyan hai,
Neend kyon raat bhar nahi aati.

Aage aati thi haal-e-dil pe hasi,
Ab kisi baat pe nahi aati.

Jaanta hoon sawab-e-taqseer bohat hai,
Magar ik baat hai, keh nahi aati.

Kaun jaaye Zauq par Dilli ki galiyan chhod kar?
Yeh dil voh shahr-e-hawas nahi aati.

Dastan-e-Gham-e-dil unko sunaayi nahi jaati,
Kya kahen aap se dil lagayi nahi jaati.

Mirza Ghalib ki ghazalon ka asar dekha,
Koi cheez samajh mein aayi nahi aati.

Mirza Ghalib