Pattharon Ki Baarish

Pattharon Ki Baarish Se Kaise Sar Bachaao Ge
Tum Agar Sitamgar Ko Aainaa Dikhaao Ge

Hum Ko Likhne Waale Ne La-Zawaal Likhaa Hai
Hum To Aur Ubhren Ge Jis Qadar Mitaao Ge

Dushmani Ki Mitti Men Pyaar Ug Nahin Sakta
Tum Ne Khaar Boye Hain Phool Kaise Paao Ge

Roz-O-Shab Sataane Ki Tum Ne Thaan Rakkhi Hai
Jitna Tum Bhulaao Ge Aur Yaad Aayen Ge

Sood-Khor Dunia Ka Qarz Kaise Utre Ga
Apne Baad Bete Per Bojh Chhod Jaao Ge

#ManzarBhopali