Jism-o-Jaan Wale

Usi Se Aaye Hain Aashob Aaasman Wale;
Jise Ghubaar Samajhate The Kaaravan Wale;

Main Apni Dhun Mein Yahan Aandhiyan Uthata Hun;
Magar Kahan Wo Maze Khaak-e-Aashiyan Wale;

Mujhe Diya Na Kabhi Mere Dushmano Ka Pata;
Mujhe Hawa Se Ladhaate Rahe Jahaan Wale;

Mere Saraab-e-Tamanna Pe Rashk Tha Jin Ko;
Bane Hain Aaj Wahi Bahaar-e-Be-Karaan Wale;

Main Nala Hun Mujhe Apne Labon Se Door Na Rakh;
Mujhi Se Zinda Hai Tu, Mere Jism-o-Jaan Wale;

Ye Musht-e-Khaak Zafar Mera Pairahan Hi Tu Hai;
Mujhe Zameen Se Daraayen Na Kehakashan Wale!

#maahyraja