Aap ki yaad aati rahi raat bhar,
Chandni dil dukhaati rahi raat bhar,
Gaah jalti hui gaah bujhti hui,
Sham-e-ghamm jhilmilaati rahi raat bhar,
Koi khushbu badalti rahi pairahann,
Koi tasveer gaati rahi raat bhar,
Phir sabaa saya-e-shakh-e-gul ke talay,
Koi qissa sunaati rahi raat bhar,
Jo na aaya usay koi zanjeer-e-dar,
Har sadaa par bulaati rahi raat bhar,
Ek umeed se dil behelta raha,
Ik tamanna sataati rahi raat bhar..
No comments:
Post a Comment