Khairaat sirf itni mili hai hayaat se,
paani ki boond jaise ataa ho furaat se.
Shabnam issi junoon mein azal se hai seena-koob,
khurshid kis maqaam pe milta hai raat se.
Nagaah ishq waqt se aage nikal gaya,
andaaza kar rahi hai khirad waaqeyaat se.
Soo-e-adab na thahre toh dein koi mashwara,
hum mutmain nahin hain teri kaayenaat se.
Aasaan-pasandiyon se ijaazat talab karo,
rasta bhara hua hai ‘adam mushkilaat se.
No comments:
Post a Comment