Adab ki aad main Targheeb-e-rumani nahin jati
Khuda maloom nasal-e-nau ka kia anjaam hona hai,
Watan se fasaah naghmo ki farawaani nahin jaati
Azab aaye to us main saienkdon ki jaan jati hai,
Nahin jaati to shaitaano ki shaitaani nahin jaati
Kahin basti ki basti boond pani ko tarasti hai,
Kahin barish barsti hai to tughyaani nahin jati
Zamaana is qadar qaayal huwa hai jhoote logon ka,
Jo sach kehte hain unki ek bhi maani nahin jaati
Jahan k zarre zarre se numaayan hai jaalal Uska,
Magar hum se Khuda ki zaat pehchani nahin jati
#arajabhatti
No comments:
Post a Comment