Wo to khushbu hai, hawaon main bikhar jaaye ga
Maslaa to phool ka hai phool kidhar jaaye ga
Hum to samjhe the ke ik zakhm hai bhar jaaye ga
Kya khabar thi ke rag-e-jaan main utar jaaye ga
Wo hawaon ki tarah khana-e-bajaan phirta hai
Ik jhonka hai jo aaye ga, guzar jaaye ga
Woh jab aaye ga to phir uski rafaaqat ke liye
Mosam-e-gul mere aangan main thehr jaaye ga
Aakhrish woh bhi kahin rait pe bethe honge
Tera yeh pyar bhi daryaa hai utar jaaye ga
Mujhko tehzeeb ke bar'zakh ka bana dia waris
Jurm yeh bhi mere ajdaad ke sar jaaye ga
#arajabhatti
No comments:
Post a Comment