Ek Chehra Jo Mere Khwaab Sajaa Deta Hai,
Mujh Ko Mere Hi Khayaalon Mein Sadaa Deta Hai,
Wo Mera Kaun Hai Maloom Nahi Hai Lekin,
Jub Bhi Milta Hai To Pehlu Mein Jagaha Deta Hai,
Mein Jo Andar Se Kabhi Toot Ke Bikhrun,
Wo Mujh Ko Thaamne Ke Liye Haath Bada Deta Hai,
Main Jo Tanha Kabhi Chupke Se Bhi Rona Chaahun,
To Dil Ke Darwaaze Ki Zanjeer Hila Deta Hai
Uss Ki Qurbat Mein Hai Kya Baat Na Jaane Mohsin,
Ek Lamhe Ke Liye Sadiyon Ko Bhula Deta Hai....
No comments:
Post a Comment