Aao koi tafreeh ka samaan kiya jaaye,
phir se kisi waaiz ko pareshaan kiya jaaye.
Be-larzish-e-pa-mast hon un aankhon se pee kar,
yun mohtasib-e-shehar ko hairaan kiya jaaye?.
Har shayy se muqaddas hai khyaalat ka rishta?,
kyon musalihaton par isey qurbaan kiya jaaye?.
Muflis ke badan ko bhi hai chaadar ki zaroorat,
ab khul ke mazaaron pe ye ailaan kiya jaaye?.
Woh shakhs jo deewaanon ki izzat nahin krta,
uss shakhs ka bhi chaak girebaan kiya jaaye.
Pehle bhi ‘qateel’ aankhon ne khaaye kayi dhokhe,
ab aur na binaai ka nuksaan kiya jaaye...............
No comments:
Post a Comment